සුරංඟ පුතේ.. මටනම් අදහගන්නත්

ඔන්න එකෝමත් එක කාලෙක සුරංඟ කියල කෙනෙක් හිටියලු.. මේ ශිඩ්ඩිය මිනිහ කැම්පස් ගිය කාලෙ වෙච්ච එකක්.. දන්නවනෙ සුරංඟ කිව්වම ටිකක් අමුතු තාලෙ පොරක්නෙ.. මිනිහ අඩිය තිබ්බෙත් අමුතු විදිහට.. කොටින්ම කිව්වොත් හුස්ම ගත්තෙත් අමුතු විදිහටලු (ඒ පිලිබඳ වැඩිදුර විස්තර නොවිමසන්න..)
ඔන්න ඉතින් මිනිහ select කරගත්ත subjects පවා හෙන අමුතුයිලු..

ඔන්න එදා හෙන විශේෂ දවසක්ලු..
එක්තරා subject එකක හෙන විශේෂ කොටසක් තියෙනවලු Ghostology කියල..(එහෙම එකක් තියෙනවලු ඈ..)
ඕක උගන්නන්න ඉතින් ආවලු හෙන මහත lecturer කෙනෙක්..

(එතැන් සිට සිදුවීම මෙසේය..)

lecturer : "ලමයි දන්නවද අද පාඩම Ghostology.. මේ පාඩමේදි අපි කතා කරනව Ghosts ලා ගැන.. මම

මුලින්ම කැමතියි ඔයාලගෙන් ප්‍රශ්න ටිකක් අහන්න..."

සුරා ඇතුලු ලමයි ටික ඔන්න බලා ඉන්නවලු මන්ද මෝල් වෙලා..

lecturer : "හා මුලින්ම කියන්න බලන්න ඔය ලමයින්ගෙන් කවුද Ghosts ලා ඉන්නව කියල විස්වාස කරන්නෙ.."

ඔන්න එතකොට ලමයි 80ක් විතර අත් ඉස්සුවලු..

lecturer : "හොඳ ආරම්භයක්.. හරි.. දැන් කියන්න බලන්න කවුද Ghosts ලා ව දැකල තියෙන්නෙ.."

එතකොටම ලමයි 40ක් විතර අත් ඉස්සුවලු..

lecturer : "මට බොහොම සතුටුයි.. ඔය ලමයින්ට විශය සම්බන්ධව අත්දැකීම් තියෙන එක වටිනව.. හා දැන් ඒ අත් උස්සපු ලමයින්ගෙන් කවුද Ghosts ලා එක්ක කතා කරල තියෙන්නෙ.."

ඔන්න එතකොට අර ලමයින්ගෙන් 15ක් විතර අත් ඉස්සුවලු..

lecturer : "පුදුමයි නේද.. අවංකවම මට සතුටුයි ඔය ලමයි ලබල තියෙන අත්දැකීම් සම්බන්ධව.. හා එහෙනම් අන්තිම වතාවට කියන්න බලන්න ඒ අත් උස්සපු ලමයින්ගෙන් කවුරුම හරි Ghosts ලා ව අල්ලල තියෙනවද.."

ඔන්න එතකොට ලමයි 3 දෙනෙක් විතරක් උඩටම අත් උස්සගෙන ඉන්නවලු..
lecturerටත් ටිකක් අවුල් වගේලු...

lecturer : "මම කවදාවත් මේ තරම් දුරට මේ සම්බන්ධව ප්‍රශ්න අහල නෑ ලමයින්ගෙන්.. අවසාන වතාවට මට තව එක ප්‍රශ්නයක් අහන්න දෙන්න.. ඔය ලමයින්ගෙන් කවුරු හරි භූතයො එක්ක සමීප සම්බන්ධකම් පවත්වල තියෙනවද..."

.
.
.
පන්තියම සද්දයක් නෑලු..
.
.
.
ඔන්න ඈතින් ඉන්නවලු සුරංඟ විතරක් අත උස්සගෙන...
ඕක දැකපු ගමන් lecturer ව පස්සට වීසි උනාලු..
මිනිහ කන්නාඩියත් ගලවල කට ඇරගෙන බලන් ඉන්නවලු..

lecturer : "සුරංඟ පුතේ.. මටනම් අදහගන්නත් බෑ.. එන්න පුතේ ඉසරහට.. ඇවිත් ඔයාගෙ අත්දැකීම ගැන මුලු පන්තියටම කියන්න...."

ඔන්න අනිත් එවුන්ගෙ කසුකුසුව යන අස්සෙ සුරංඟය පැද්දෙ පැද්දි හෙමින් සැරේ ඇවිල්ල නැග්ගලු ස්ටේජ් එකට.. නැගල බලන් ඉන්නවලු.. කිසි සද්දයක් නෑලු...

lecturer :"හරි පුතේ දැන් කියන්න අපි හැමෝටම දැනගන්න.. ඔයා කොහොමද Ghost කෙනෙක් එක්ක සමීප සම්බන්ධයක් ඇතිකරගත්තෙ.."

සුරංඟ : "මොකා..හ්.. Ghost?? මට ඇහුනෙ Goat වගේ.."